ЕЧЛ. Иккинчи кунги баҳслар қандай натижалар билан тугади

 

Дастлаб ҳисобда икки тўп фарқи билан орқада бораётган инглиз клуби натижада Решфорд, Магуайр ва Роналдунинг голи эвазига иродали ғалабага эришди. Гуруҳнинг иккинчи ўйинида "Виляреал" "Янг Бойз" устидан 4:1 ҳисобда устун келди. Мазкур баҳслардан сўнг манчестерликлар гуруҳда 6 очко билан пешқадамлик қилмоқда. «Аталанта» ва "Янг Бойз" кейинги ўринлардан жой олган.

 

"Э" гуруҳи пешқадами бўлиб турган "Бавария" бу сафар ҳам рақибларини аяб ўтирмади. Бу гал немислар "Бенфика"ни 4:0 ҳисобда мағлуб этди ва 9 очко билан гуруҳнинг яққол пешқадами бўлиб олди. Гуруҳнинг иккинчи ўйинида "Барселона" "Динамо Киев"дан битта тўп фарқи билан устун келди ва дастлабки ғалабасини қўлга киритди.

 

Натижада каталонияликлар 3 очко билан учинчи ўринга жойлашди. "Бенфика" 4 очко билан иккинчи поғонада бормоқда. "Динамо Киев" 1 очко билан сўнги ўринни эгаллаб турибди.

 

Кеча Англиянинг «Челси» клуби ҳам ишончли ғалабани қўлга киритди. "Малмё" қарши кечган баҳсда инглизлар жавобсиз 4 та гол уришга муваффақ бўлди. "Ҳ" гуруҳининг иккинчи ўйини "Ювентус" ва "Зенита" клублари иштирокида ўтди.

 

Натижада италияликлар сафарда 0:1 ҳисобида ғалаба қозониб уч очкони қўлга киритди. Ҳозирда гуруҳда "Ювентус" 9 очко билан биринчи, "Челси" 6 очко билан иккинчи ўринда бормоқда. Кейинги поғоналардан "Зенит" ва "Малмё" жамоалари жой олган.

 

"Г" гуруҳида ҳам навбатдаги баҳслар ўтказилди. Унда "Лилл" ўз уйида «Севиля» билан дуранг ўйнаган бўлса, "Залсбург" "Волфсбург" устидан 3:1 ҳисобида устун келди. Мазкур гуруҳда "Залсбург" 7 очко билан биринчи ўринда бормоқда. 3 очко жамғарган "Севиля" иккинчи ўринни эгаллаб турибди. Кейинги поғоналарни "Лилл" ва "Волфсбург" жамоалари банд этган.

 

 

Жамшидбек Амиров