У йиқилганидан сўнг дарҳол ўрнидан туриб кетадиганлар тоифасига киради - Лукакунинг агенти
Челси” ҳужумчиси Ромелу Лукакунинг агенти Федерико Пасторелло Чемпионлар лигаси гуруҳ босқичи 3-турининг “Малмё”га қарши учрашувида ҳужумчи олган жароҳат ҳақида гапирди:
“Мен жуда хавотирда эдим, чунки Лукаку ҳар бир ўйинда иштирок этишни хоҳлайди. Унинг пенальти белгилангандан кейин ҳам майдонда узоқ вақт ётиб қолгани ажабланарли ҳолат эди. Чунки у йиқилгандан сўнг дарҳол ўрнидан туриб кетадиганлар тоифасига киради. Ромелу у ерда тўрт дақиқа ётди ва бу мени қаттиқ қўрқитди. Ҳозир биз тиббий кўрик натижаларини кутяпмиз. Ромелу ўз физиотерапевтига эга ва ҳар куни режалаштирилганидан-да тезроқ қайтиш учун астойдил ҳаракат қилмоқда. Лукаку – қаттиққўл ва иродали йигит. Мен уни тезда оёққа туриб кетишига ишонаман”.
Эслатиб ўтамиз, Европа чемпионлар лигасида “Челси” “Малмё” устидан 4:0 ҳисобида устун келди.
Аввалроқ Дибала Туринда яна 5 йилга қолиши ва “Нюкасл” бош мураббийи Стив Брюс истефога чиққани ҳақида хабар берилганди.
Жамшидбек Амиров
