Бокс. Жаҳон чемпионатида Ўзбекистон термасининг байроқдори ким бўлиши маълум бўлди
Бугун, 24 октябрь куни Сербия давлатининг Белград шаҳрида жаҳон чемпионатининг тантанали очилиш маросими бўлиб ўтади.
Очилиш маросимида ҳар бир мамлакат терма жамоаси вакиллари ўз юрти байроғини кўтариб чиқади. Ўзбекистон байроғини кўтариш каби энг шарафли вазифа эса терма жамоамизнинг энг оғир вазнли боксчиси Лазизбек Мулложоновга топширилди.
Эслатиб ўтамиз, ушбу маросим Тошкент вақти билан соат 22:00 да бошланади. Унга жаҳон бокси оламидаги юлдузлар, хусусан, АIBА томонидан меҳмон сифатида Олимпиада чемпиони Баҳодир Жалолов ҳам таклиф этилган.
Аввалроқ Ўзбекистон бокс терма жамоасининг таркиби эълон қилингани ва Шаҳрам Ғиёсов нима сабабдан ҳаваскор боксга қайтгани ҳақида хабар берилганди.
Жамшидбек Амиров
