Марадонанинг ўлимига нима сабаб бўлган?
Адвокат Матиас Морла жаҳон чемпионининг ўлими сабабларини ўрганиш бўйича Буэнос-Айресда бўлиб ўтган суд мажлисида тегишли кўрсатма берди.
Марадонанинг адвокати футболчининг ўлимига асосий омилларни айтиб ўтди. Унинг фикрига кўра, футболчининг ўлимига сифатсиз тиббий ёрдам сабаб бўлган.
Адвокат Матиас Морла жаҳон чемпионининг ўлими сабабларини ўрганиш бўйича Буэнос-Айресда бўлиб ўтган суд мажлисида тегишли кўрсатма берди.
Морла Марадонанинг олдига сўнгги марта боргани ҳақида гапириб, унинг овози жуда яхши — баланд ва тиниқ бўлганини айтган. Кейинчалик футболчи танасида сув миқдори ошиб кетгани, даволанаши чоғида шифокорлар кўп хатога йўл қўйгани ва керакли муолажалар ўз вақтида қилинмаганини таъкидлади.
Эслатиб ўтамиз, аргентиналик футболчи Диего Марадона 2020 йил 25 ноябрь куни 60 ёшида вафот этди. Ҳозирда Аргентина прокуратураси Марадонани даволаган шифокорлар фаолияти бўйича текширув ўтказмоқда.
Жамшидбек Амиров
