Гимнастика афсонаси ўз мактабига асос солди

 

Хабарингиз бор, давлатимиз раҳбари окио-2020 олимпиадаси ғолиблари билан учрашганда Вазирлар Маҳкамасига Оксана Чусовитина ва Баҳодир Жалоловнинг спорт маҳорати мактабини ташкил этиш ва уларнинг фаолияти учун барча зарур шароитлар яратишга топшириқ берганди.

 

Ўзбекистонлик спорт гимнастикасининг тирик афсонаси, Олимпия ўйинларида қатнашиш бўйича жаҳон рекордчиси Оксана Чусовитина Яшнобод тумани Давлат хизматлари марказида спорт таълими фаолияти билан шуғулланиш учун “Чуса спорт теам” масъулияти чекланган жамиятини рўйхатдан ўтказди.

 

Машҳур спортчи кўрсатилган давлат хизмати сифати ҳамда бир жойда кўплаб хизматлардан фойдаланиш имкони яратилганидан мамнун эканлигини билдирди.

 

Умид қиламизки, ушбу мактабдан янги Оксан Чусовитиналар етишиб чиқади.

 

Эслатиб ўтамиз, спортчи спортдаги фаолиятини якунлагани, орадан бироз вақт ўтиб эса спортга қайтгани ҳақида хабар берилганди.

 

Аввалроқ Оксана Чусовитинага Ўзбекистонда хизмаат кўрсатган спорт устози фахрий унвони берилгани ҳамда спортчи халқаро миқёсда спортчилар ҳуқуқини ҳимоя қилмоқчилиги ҳақида хабар берилганди.

 

Баҳринисо Мадумарова