Тошкент вилоятида 459 талабанинг контракт пуллари тўлаб берилди
Жорий йилда Тошкент вилоятида ижтимоий-иқтисодий ёрдам кўрсатиш орқали 2458 нафар ёшлар қўллаб-қувватланди.
Жумладан, 459 нафар талабанинг контракт пуллари, 18 нафарининг турар жой ижараси тўлаб берилди. Ёшларнинг 280 нафарига психологик, 603 нафарига тиббий хизмат кўрсатилган, 1098 нафар йигит-қизнинг истеъдод ва қобилиятларини қўллаб-қувватлаш мақсадида 5 ташаббус доирасида маблағ ажратилган. Шунингдек, 176 нафар ёшнинг сафарбарлик чақируви резерви маблағларини тўлаш ҳамда 201 нафар ёшнинг ҳайдовчилик гувоҳномаларини олишида амалий молиявий ёрдам кўрсатилди.
Бундан ташқари, жами 6254 нафар ёшга “Ёшлар дафтари” жамғармаси маблағлари ҳисобидан қарийб 24 миллиард сўм миқдорида ёрдам кўрсатилди.
Эслатиб ўтамиз, аввалроқ тўлов-контракт асосида ўқиш учун таълим кредитларини ажратиш тартиби белгиланганди. Шунингдек, эмланган талабаларга тўлов-контрактда чегирма берилиши ҳамда 2021/2022 ўқув йили учун тўлов-контракт миқдори белгилангани ҳақида хабар берилганди.
Баҳринисо Мадумарова
