Айрим расмий ташкилотларнинг логотипидан фойдаланган баъзи сохта веб-саҳифа манзиллари эълон қилинди.
Марказий банк фуқароларни онлайн қароқчиликдан огоҳлантирмоқда.
Қуйидаги рўйхатда айрим расмий ташкилотларнинг логотипидан фойдаланган баъзи сохта веб-саҳифа манзиллари келтирилган.
Дарҳақиқат, ижтимоий тармоқлар орқали фуқароларни "чув" тушираётган фирибгарлар кундан кунга кўпайиб бормоқда. Ачинарлиси, алданаётганларнинг ҳам сони анчагина кўп.
Авваллари мавжуд бўлган сохта аккаунт орқали авраб-алдаш усуллари энди бироз эскирди. Бугун Интернет фирибгарлиги Интернет қароқчилигига айланди десак, ёлғон бўлмайди. Қўлингизда турган банк картасидан сиз билмаган ва англамаган йўллар орқали пул ечиб олишларини бошқача изоҳлай оласизми?
Эндиликда бундай мулкни онлайн талон-тарожликдан қутқариб қоладиган нарса, фақатгина хушёрликдир. Ўзбекистон Республикаси Марказий банки барча фуқароларни огоҳликка чақирмоқда.
Мутахассисларнинг уқтиришича, фуқаро тасдиқловчи кодни ошкор қилмаслиги лозим. Яъни сиз ҳар қандай ҳолатда ҳам СМС-хабар орқали келган бир марталик тасдиқловчи кодни ҳеч кимга ошкор қилмаслигингиз шарт. Ушбу тасдиқловчи код ёрдамида фирибгарлар хисобингиздаги пул маблағларини нолга тушириб қўйиши мумкин.
Бегоналарга картангизни ёки мобил иловалардаги аккаунтингиз тўғрисидаги маълумотларни бермаганингиз маъқул. Акс ҳолда, сиз пулингизни бировга атайинг "ҳайрия" қилгандек бўласиз. Энг яхшиси, шунчакли картангизнинг 16 хонали рақамини айтинг.
Ҳозир давр рақамлашмоқда. Шунинг учун энди сиз маҳсулотни онлайн харид қилишингиз мумкин. Бироқ, шошилманг! Бу турдаги бозорлар одатий бозорлардан кўра анчагина эҳтёткорликни талаб қилади. Энди сиз харидорнинг афти-ангорига эмас, у таклиф қилаётган маҳсулот ёки хизматларнинг сертфикатлилигига, лецензияланганлигига эътибор беришигиз керак. Шу билан бирга, сайтнинг расмийлигига ҳам диққат қаратинг.
Яна такрор айтамиз. Огоҳ бўлинг! Фирбгарларинг алдовларига ишониб қолманг.
Оламгир Абдиев
