"Samsung Galaxy S22” тақдимоти 2022 йилнинг бошида бўлиб ўтиши ҳақида хабар тарқалди

 

Мобил маҳсулотларидан энг сўнггиси бўлган “Galaxy S21” аллақачон мижозларини мамнун қилиб улгурган. Эндиликда компания янги мобил телефони билан ўз аудиториясини хурсанд қилишга тайёрланмоқда.

 

Танишинг,  "Samsung Galaxy S22”. У рамкасиз дизайнга эга.

 

Албатта, бу ҳали расмий тасдиқланмаган. Янги маҳсулот ҳақида Samsung'нинг жанубий кореялик собиқ ходими хабар берган.

 

Унинг айтишича, смартфон минимал рамкали дисплейга эга бўлиб, у бутун периметр бўйлаб симметрик бўлади.

 

Шунингдек, мазкур модел серияга эга. Яъни, унинг “Galaxy S22+” версияси ҳам оммага тақдим қилиниши кутилмоқда.

 

Янги “Samsung Galaxy S22” тақдимоти 2022 йилнинг бошида бўлиб ўтади. Смартфоннинг нархи ҳозирча ошкор этилмаган.

 

Маълумот учун: айни кунларда Samsung'нинг сўнги мобил маҳсулоти бўлиб турган “Galaxy S21” Россия бозорларида 69 минг рубль, Ўзбекистон бозорларида эса тахминан 14 миллион атрофида сотилмоқда.

 

Бундан аввал “iPhone 13” савдолари бошланадиган сана эълон қилингани ҳамда “Xiaomi” компанияси “Redmi Note 11 Pro” смартфонларини тақдим этгани ҳақида хабар берилганди.

 

Оламгир Абдиев