Корея меҳнат мигрантлари учун мамлакатга кириш бўйича чекловларни олиб ташлайди
Шунингдек, ўрнатилган ҳафталик ва ойлик чекловлар ҳам олиб ташланиши режалаштирилган.
Бунда, фуқаролар ўз юртларида эмаланган ва манфий ПЦР тест натижасига эга бўлишлари шарт.
Корея Республикасининг Бандлик ва меҳнат вазири Ан Кюнг-дук мамлакатда карантин чоралари юмшатилиши ва "COVID-19 билан" дастурининг меҳнат миграцияси жараёнларига ижобий таъсир этиши ҳақида маълум қилди.
Вазирнинг сўзларига кўра, узоғи ноябрь ойининг охирида хориждан кириб келаётган меҳнат мигрантларининг сони кенгайтирилади.
Вазирлик ахборотига кўра, пандемия таъсири оқибатида мамлакатга кириб келаётган меҳнат мигрантларининг йиллик сони 50 мингдан 7 мингга тушиб кетган.
Ўз ўрнида, кичик ва ўрта бизнес корхоналари, фермер хўжаликлари ишчи кучи етишмаслигидан зарар кўрмоқда.
Аввалроқ жанубий ва шимолий Корея ўртасида алоқа тармоғи тикланганди.
Баҳринисо Мадумарова
