Арманистонда 98 киши пиццадан заҳарланди
Уч нафар беморнинг аҳволи ўрта оғир деб баҳоланмоқда.
Арманистон пойтахти Ереванда 98 киши "Tashir Pissa" емакхонасида тамадди қилганидан сўнг овқатдан заҳарланиш ташхиси билан шифохонага ётқизилди. Бу ҳақда "Арменпресс" хабар берди.
Қайд этилишича, 53 киши юқумли касалликлар марказида даволанмоқда, уларнинг 13 нафари вояга етмаганлар экани айтилмоқда. Яна 32 киши республика тиббий марказига, 11 киши хирургия институти, 2 киши эса Мартунин тиббий марказига ётқизилган.
Эслатиб ўтамиз, Қирғизистонда 85 киши денгиз ўтларидан тайёрланадиган пиццадан заҳарланганди.
Аввалроқ Москвада жойлашган мигрантлар учун мўлжалланган ётоқхонада бир нечта мигрант ноодатий шароитда, Тольяттидаги хостелда 23 нафар Ўзбекистон фуқароси, Германияда 7 киши номаълум моддадан заҳарлангани ҳамда Россиянинг Оренбург вилоятида қўлбола спиртли ичимлик билан заҳарланиш оқибатида 32 киши вафот этгани ҳақида хабар берилганди.
