Гвардиола: “Футбол нусха кўчиришдан иборат эмас”
“Манчестер Сити” бош мураббийи Хосеп Гвардиола ўз жамоаси ва “Ливерпул”ни солиштирмасликларини айтди:
“Бизда “Ливерпул” каби ўйнаш учун сифатлар йўқ, шунинг учун жамоамизда бошқача услуб бор. Футбол нусха кўчиришдан иборат эмас. Ливерпулдан мағлубиятга учрагач, “Манчестер Юнайтед” ўз ўйин услубини ўзгартирди ва “Тоттенхем”га қарши 3-5-2 тактикасида ўйнади. Улар буни “Aталанта”га қарши ўйинда ҳам сақлаб қолишди, аммо Рафаэл Варан жароҳатидан сўнг тўрт нафар ҳимоячи билан ўйнашга қайтишди. Кўрамиз, “МЮ” бизга қарши ўйинда нима қилади. Агар “Ливерпул” каби ўйнашимизни истасангиз, Юрген Клопп, Садио Мане ва Муҳаммад Салоҳни таклиф қилишингиз керак. Биз бир хил ҳаракат қила олмаймиз, бизда турли ўйинчилар бор ва бошқача ўйнаймиз. Балки “МЮ” ҳозир “Ливерпул” билан ўйнаганида, бутунлай бошқача ўйин кўрсатган бўларди. Футболда ҳамма ўрганади”.
Эслатиб ўтамиз, Англия премьер-лигасининг 11-тур учрашувида “Манчестер Сити” “Манчестер Юнайтед”га қарши баҳс олиб боради.
Аввалроқ “Аталанта” Миранчукнинг ўрнига футболчи топгани ва Хави билан музокара кўнгилдагидек ўтгани ҳақида хабар берилганди.
Жамшидбек Амиров
