Рўзиқул Бердиев: "Жамоамиз анча ёш, йигитларнинг катта финалларда ўйнаш тажрибаси йўқ"
"ОФК Кубоги-2021" финал ўйинидан сўнг матбуот анжумани ўтказилди. Унда "Насаф" бош мураббийи Рўзиқул Бердиев иштирок этди ва ўз фикрларни билдирди.
— Рақибни ғалаба билан табриклаймиз. У бугун ҳақли ғалабага эришди — деди у. — Биринчи тезкор гол ва иккинчи ўтказиб юборилган гол ўйин тақдирини ҳал қилди. Иккинчи голда жиддий хатога йўл қўйдик. Футболчиларимизга иссиқ ҳам анча таъсир қилди. Қолаверса, рақиб жамоани мухлислар мунтазам қўллаб-қувватлаб турди. Бу ҳам уларнинг ғалабасида муҳим омил бўлди. Иккинчи голга қадар биз ҳам ҳужум ташкил қилаётган эдик. Лекин голдан кейин ҳужумни тўхтатдик.
Жамоамиз анча ёш, йигитларнинг бу каби катта финалларда ўйнаш тажрибаси йўқ. Ўйинни назорат қилишга уриндик, лекин якунда мағлуб бўлдик. Йигитларимизга кўрсатган ўйинлари учун миннатдорчилик билдираман.
Эслатиб ўтамиз, ОФК Кубоги финал учрашувида “Ал Муҳаррақ” жамоаси “Насаф" клубини 3:0 ҳисобида мағлуб этди.
