Роналду Манчестердан кетмоқчи
У “қизил иблислар”нинг ҳозирги амбицияларидан норози.
Португалиялик ҳужумчи Криштиану Роналду агар “Манчестер Юнайтед” жорий мавсум якунида Чемпионлар лигаси йўлланмасини қўлга киритмаса, клубни тарк этиши мумкин.
Хабарларга кўра, 36 ёшли португалиялик футболчи фаолиятининг сўнгги йилларида Европа лигасида ўйнашни истамаяпти.
Айни дамда “Манчестер Юнайтед” Англия премьер-лигаси турнир жадвалида олтинчи ўринни эгаллаб турибди. “Манкунианликлар” ҳисобида 17 очко бор.
Эслатиб ўтамиз, Криштиану Роналду 2021 йилнинг 27 август куни Туриннинг “Ювентус” клубидан “Манчестер Юнайтед”га кўчиб ўтганди. Бундан аввал Роналду 2003-2009 йилларда “қизил иблислар” шарафини ҳимоя қилган.
Аввалроқ Кейлор Навас жароҳати туфайли иккита ўйинни ўтказиб юбориши ҳақида хабар берилганди.
Жамшидбек Амиров
