Туркманистон Туркий тилли давлатлар ҳамкорлик кенгашига кузатувчи давлат сифатида аъзо бўлади
Бу ҳақда Гурбангули Бердимуҳаммедов маълум қилган.
Туркманистон туркий тилли давлатлар ҳамкорлик кенгашига кузатувчи мақомида қўшилади. Бу ҳақда “Дунё” ахборот агентлиги хабар қилди.
Туркманистон президенти Гурбангули Бердимуҳаммедов Туркиянинг “TRT World” телеканалига берган интервьюсида унинг мамлакати ташкилотнинг турли учрашувларида фаол иштирок этиб келаётганини таъкидлаган.
“Шу билан бирга биз барча туркий тилли давлатлар билан дўстлик ва ўзаро манфаатли ҳамкорликни ривожлантиряпмиз. Шу сабабли биз Туркий тилли давлатлар кенгашида кузатувчи мақомида иштирок этишга қарор қилдик. Аминманки, Туркманистоннинг иштироки ташкилот фаолиятига ҳисса қўшади”, – деган Бердимуҳаммедов.
Маълумот ўрнида: Туркий тилли давлатлар ҳамкорлик кенгашида Ўзбекистон, Туркия, Қирғизистон, Озарбайжон ва Қозоғистон тўлақонли, Венгрия эса кузатувчи мақомга эга.
Аввалроқ Шавкат Мирзиёев Туркияга ташриф буюриши хабар қилинганди.
