Россияда аёл жанговар итга талатилди
Аёл турли тан жароҳатлар билан шифохонага ётқизилган
Бугун ижтимоий тармоқларда Митиш шаҳрида маст ҳайдовчи кўчада кетаётган аёлни жанговар итига талатгани акс этган видеолавҳа тарқалди. Унда ҳайдовчи машинадан итни чиқариб аёл томонга қарата "ташлан" деган буйруқни берган. Ўзи эса жараёнда қизнинг қўлидаги телефонни тортиб олишга уринган.
Жабрланувчи Юлия Двужилова полицияга воқеанинг тўлиқ видеосини тақдим этди ва воқеани батафсил тасвирлаб берди
Безори полициячилар томонидан қўлга олинди.
Маълум бўлишича 1986 йилда туғилган эркак доимий равишда маст холда бўлиб ён атрофдагиларни ит билан тинчлигини бузган. Ўша куни ҳам у маст холда бўлган. Машина бошқараётиб йўл четида кетаёган Юлияни уриб юборишга бир бахя қолган. Юлия дарҳол телефонини олиб унинг машина рақамини видеога олишни бошлаган. Бу ҳолат йигитга ёқмаган ва бунга жавобан қиз томонга итини қўйиб юборган.
Қиз турли тан жароҳатлар билан шифохонага ётқизилган. Безори 10 суткага ҳибсга олинган.
Аввалроқ,Россиядаги оммавий муштлашувда иштирок этган 50 нафарга яқин мигрант мамлакатдан “депорт” қилингани ҳамда Метрода бегона қизни ҳимоя қилган йигит аёвсиз калтаклангани ҳақида хабар берилганди.
Муножат Валиева
