“...Реклама чиқишини хоҳламайсизми? Унда тўланг!”

 

Маълумки, Павел Дуров яқинда ўзи яратган Телергам мессенжери тизимига реклама эълонларини киритгани ҳақида хабар берганди. Деярли барча расмий ва норасмий мессенжер каналарда “Реклама чиқмаслигини хоҳлайсизми? Тўла!” номли ибора билан матн чиқмоқда.

 

Мазкур ҳолатга Миллий масс-медиани қўллаб-қувватлаш ва ривожлантириш жамоат фонди раиси Комил Алламжонов ўз муносабатини билдирди.

 

Қайд этилишича, “Telegram” асосчиси Павелнинг янги реклама сиёсатини   фонд раис ёқламаган. Шунингдек, у бундай рекламаларнинг энг хафли, ачинарли тарафи, кўпчилик фойдаланувчилар доимий кузатиб бораётган каналларига ишониши  ҳамда  бундай рекламаларни канал эгаси тавсия киляпти, деган ҳаёлга бориши мумкинлигини таъкидлаб ўтган.

 

Янги реклама сиёсатининг тартибига кўра, эндиликда улар таҳририят ёки блогер рухсатисиз, хоҳлаган каналига реклама қўйиши ва ўз рекламасидаги маҳсулотни тавсия қилиши мумкин.

 

К.Алламжонов бунга  қуйидагича изоҳ берди:

 

“Бундан келиб чиқадики, сиз эшшакдек ишлаб канални кўтарасиз, унинг обрўси учун хавф-хатарга қарамай ёзасиз, сизнинг каналингизни ҳамма ўқишни бошлаганида Телеграм тайёрга айёр бўлиб, сиздан сўрамай ўз рекламасини сизнинг каналингизга қўйиб, пул ишлайди. Сизга эса фигушки. Яна нимамуш, «Реклама кўришни истамайсанми? Тўла! Реклама сенинг каналингда чиқишини хоҳламайсанми? Тўла!» Яқинда Ўзбекистон Президенти каналида ёки хуқуқ-тартибот органлари каналида ҳам реклама чиқиши ғалати кўринди. Бу реклама сизга ёқадими, сиз олиб бораётган канал мавзусига тўғри келадими, йўқми — уларга фарқи йўқ. Пул келса бўлди. Хоҳласа, чўчқа гўштини, хоҳласа, динимизга зид бўлган рекламаларни сизга тиқиштирса ҳам, сиз ҳеч нарса қила олмайсиз”.

 

Шу билан бирга, мавзу, соҳа ва каналлардаги йўналишга умуман мос келмайдиган рекламалар жойланаётгани ҳам танқид остига олинган.

 

Масалан, Россиянинг Федерал жазони ижро этиш хизмати Телеграм каналида криптовалюталарнинг рекламаси чиққани ва бу давлат органлари ва ташкилотларининг обрўси ва мавқеига жиддий путур етказиши ҳақида айтиб ўтган.

 

Миллий масс-медиани қўллаб-қувватлаш ва ривожлантириш жамоат фонди раиси ўз Телеграм каналидаги мулоҳазаларини қуйидагича якунлайди:

 

“Ҳурматли Павел, Телеграмга ҳаммани обдон ўргатиб қўйиб, энди бу йўл билан проектни монетизация қилмасангиз бўларди. Албатта, биздан сўраб ўтирармидингиз Ундан кўра, катта компанияларга сотиб юборганингиз яхши компанияни, чем бировнинг каналига нагло ўзингизни рекламангизни жойлагандан кўра. Ёки Youtube'га ўхшаб бўлишинг канал эгалари билан ва ўша каналга зид рекламани қўймаслик имкониятини ҳам яратинг”.

 

Эслатиб ўтамиз, аввалроқ турли “телеграм” гуруҳларга қўшиб қўйишганда, нима қилиш кераклиги ҳамда Telegram'да хайрия маблағларини йиғиш функцияси ишга тушгани ҳақида хабар берилганди.

 

 

Чўлпоной Аҳмедова