Футболчининг бошига шиша идиш улоқтирилгани сабабли ўйин тўхтатилди
"Марсел" ва "Лион" дербисида жамоалар атиги тўрт дақиқа ўйнай олди, холос.
Бу йилги футбол бўйича Франция чемпионати мухлислар сабаб жуда кўп муаммоларга дуч келди. Бу ҳақда Korrespondent.net хабар берди.
Гап шундаки, “Марсел” клуби ярим ҳимоячиси Димитри Пает тўп тепиш учун бурчак байроғига борди.
Бироқ, унинг амбициялари трибунадан отилаётган шиша билан тўхтатилди. Янъи рақиб жамоа мухлиси футболчига шиша идиш улоқтирган. Буюм унинг бошига теккан. Димитри Паетга зудлик билан тиббий ёрдам кўрсатилган.
Ҳакам бундай ғала-ғовурга тоқат қилмаслигини билдириб, жамоаларни майдондан чиқариб юборган. Футболчига жароҳат етқазган шахс охир-оқибат топилган. Аввалига мухлислар уни қилмиши учун стадионнинг ўзида жазолашди. Кейинчалик полиция уни ҳибсга олди.
Эслатиб ўтамиз, аввалроқ “Манчестер Юнайтед” клуби бош мураббийи Оле-Гуннар Сулшер истеъфога чиқарилгани ва Кристенсон Лондонда қолмоқчилиги ҳақида хабар берилганди.
Насиба Тўхтаева
