БААда йилнинг сўнгги “Катта дубулға” турнири ўтказилади

 

26-28 ноябрь кунлари БААнинг Абу-Даби шаҳрида дзюдо бўйича “Катта дубулға” туркумига кирувчи йилнинг сўнгги мусобақаси бўлиб ўтади. Мазкур мусобақада дунёнинг 42 мамлакатидан ташриф буюрадиган полвонлари қаторида ҳамюртларимиз ҳам иштирок этади.

 

Улар орасида Давлат Бобонов, Диёра Келдиёрова каби етакчиларимизни ҳам учратиш мумкин. Эслатиб ўтамиз, мусобақада ўз вазн тоифасида ғолиб бўлган спортчи 1000 рейтинг очкосига эга бўлади. Жамоамизнинг тўлиқ таркиби билан танишинг:

 

-60 кг: Дилшодбек Баратов

-66 кг: Дилшодбек Йўлдошев

-73 кг: Жалолиддин Бойназаров

-73 кг: Ҳикматиллоҳ Тўраев

-81 кг: Суҳроб Турсунов

-81 кг: Арслонбек Тожиев

-90 кг: Давлат Бобонов

-90 кг: Достон Мейлиев

-100 кг: Музаффарбек Тўрабоев

-100 кг: Ақлмуродбек Худойбердиев

+100 кг: Шоҳруҳ Мамарасулов

-52 кг: Диёра Келдиёрова.

 

Аввалро Хоразмда дзюдо бўйича Ўзбекистон кубоги баҳсларига старт берилгани ва дзюдочимиз Диёрбек Ўрозбоевда доинг аниқлангани ҳақида хабар берилганди.

 

Жамшидбек Амиров