Александр Лукашенко Польшага мурожаат қилди
Шунингдек, у мигрантлардан сиёсий қурол сифатида фойдаланмасликка ваъда берган.
Беларусь президенти Польша ҳукуматига мурожаат билан чиқди. Бу ҳақда “ТАСС” хабар берди.
Александр Лукашенко бу ҳақда Польша-Беларусь чегарасида турган қочқинлар лагерида айтиб ўтган. Беларусь раҳбари Варшавадан қочқинларни Германияга ўтказиб юборишни сўраган. Унинг фикрича, фақат шу орқали мавжуд инқирозни ҳал этиш мумкин.
Шунингдек, Лукашенко мигрантлардан қурол сифатида фойдаланмаслигини маълум қилди.
“Сизнинг тақдирингиздан сиёсий мақсадларда фойдаланмаймиз”, – деб қайд этган у.
Шу билан бирга у Беларусь орқали Ғарбга боришни истаган қочқинларга қаршилик қилмаслигини таъкидлаган.
Аввалроқ ЕИ Польша чегарасида турган мигрантларга 700 минг евро ажратгани ҳамда Польша чегарага 10 минг аскар жойлаштиргани тўғрисида хабар қилинганди.
Жаҳонгир Қўзиев
