Терма жамоамиз Дакка шаҳридан қайтишди
Бангладешнинг Дакка шаҳрида Камондан отиш спорт тури бўйича Осиё чемпионати бўлиб ўтди.
Осиёнинг 16 давлатидан сараланган спортчилар куч синашган мазкур мусобақада ҳамюртларимиз ҳам иштирок этишди.
Эслатиб ўтиш керак, мазкур мусобақада қатнашган мамлакатимиз спортчилари Ўзбекистон кубогида ғолиб бўлганлар ҳисобланади. Бугунги кунда мамлакатимизда 6 нафар спортчимиз халқаро тоифадаги спорт устаси унвонига эга.
Чемпионатнинг илк кунидаёқ камончимиз Содиқов Амирхон мерганлик маҳоратини намойиш этиб, 656 балл тўплаган.
Терма жамоамиз вакиллари, Олимпия турлари, эркаклар ва аёллар ўртасида жамоавий беллашув ҳамда микс(аралаш) турларида ҳам ажойиб натижаларга эришди. Қизғин ва муросасиз кечган беллашувларда спортчиларимиз 16 та давлат орасида умумжамоа ҳисобида фахрли 4-ўринни қўлга киритди.
Терма жамоамизга келгуси мусобақаларда зафарлар тилаб қоламиз.
Аввалроқ Дзюдо бўйича спортчиларимиз 5 та медални қўлга киритгани, яна бир ўзбек футболчиси “Женоа”га ўтиши мумкинлиги ҳамда Олимпия ва паралимпия захиралари коллежлари ташкил этилиши ҳақида хабар берилганди.
Оламгир Абдиев
