Тошкентда жаҳон чемпионати бошланмоқда

 

Мазкур мусобақада дунёнинг 80 га яқин мамлакатидан 400 дан ортиқ спортчи “Юнусобод” спорт мажмуаси супачасига кўтарилиши кутилмоқда. Чемпионатга пухта тайёргарлик кўрган Ўзбекистон терма жамоаси таркибида Рио-2016 ва Токио-2020 чемпион ва рекордчилари Руслан Нурудинов ва Акбар Жўраев ҳам иштирок этади. Шунингдек, Адҳамжон Эргашев, Достон Ёқубов, Муҳаммадқодир Тоштемиров, Сарварбек Зафаржонов ва яна бир қатор спортчиларимиз салоҳиятини намойиш қилишади. Аёллар терма жамоаси вакили, Токио Олимпиадаси рекордчиси Муаттар Набиева ушбу мусобақада иштирок этмайди, лекин бир қатор ёш спортчи қизларимиз дунёнинг энг кучли атлетлари билан курашда улкан тажриба орттиришади ҳамда бу уларга Париж-2024 йўлланмасини қўлга киритишда ёрдам беради деган умиддамиз.

 

Айни пайтда мусобақанинг барча расмий жараёнлари, шу қаторда иштирокчи ва уларнинг чиқиш вақтлари малум бўлди.

 

Атлетларимизнинг мусобақада қатнашиш вақти билан таништириб ўтамиз:

Аёллар

 

-49 кг. Зуҳра Отажонова - 19:00 (8.12)

-55 кг. Жамила Панфилова - 16:00 (9.12)

-71 кг. Кумушхон Файзуллаева - 19:00 (13.12)

-87 кг: Турсуной Жабборова - 19:00 (16.12)

Эркаклар

 

-67 кг. Адҳамжон Эргашев - 16:00 (10.12)

 Достон Ёқубов - 16:00 (10.12)

-81 кг. Муҳаммадқодир Тоштемиров 19:00 (12.12)

-89 кг. Отахон Имомов - 10:30 (13.12) (Б гуруҳ)

-89 кг. Сарварбек Зафаржонов - 16:00 (13.12)

-96 кг. Ҳожиакбар Олимов - 08:30 (14.12) (C гуруҳи)

-96 кг. Қурбонмурод Намозов - 13:00 (15.12)

-109 кг. Руслан Нурудинов - 16:00 (16.12)

Акбар Жўраев - 16:00 (16.12)

+109 кг. Мирҳосил Мирзабоев - 08:00 (17.12) (C гуруҳ).

 

Аввалроқ дзюдочиларимиз халқаро турнирни иккита медаль билан якунлашгани ва Бухорода кураш бўйича Ўзбекистон кубоги мусобақалари бошлангани ҳақида хабар берилганди.

 

Жамшидбек Амиров