Пиёз ва унинг пўсти — минг дардга даво

 

Пиёз кучли антибактериал таъсирга эга.

Aсал билан янги пиёз шарбати бронхит ва пневмонияни даволаш, йўтал хуружларини бартараф этиш учун ишлатилади.

Пиширилган пиёз компресслари қулоқ оғриғига ёрдам беради ва оёқларга суртилганда тана ҳароратини пасайтиради.

 

Пишган пиёзнинг шифобахш хусусиятлари:

 

 Ø   Пишган пиёз яралар ва ётоқ яраларни даволашда ёрдам беради. Бунинг учун пиёз қобиғида пиширилади ва  оғриқли жойларга суртилади;

 

 Ø   Йирингли яраларни даволашда ҳам пиширилган пиёздан фойдаланиш мумкин. Иссиқ пиёз компрессини ҳар куни  20 дақиқадан  муаммоли жойга қўйиб, ушлаб туриш лозим. Йирингли яралар жуда тез йўқолади;

 

Ø Пишган пиёзни қон ивишида муаммолари бўлган ҳар бир киши кўпроқ истеъмол қилиши керак.

 

Пиёз пўстини ташлаб юборишга шошилманг!

 

Пиёз пўстининг қайнатмалари экспекторан ( балғам кўчирувчи),  лаксатиф (ич сурувчи), пешоб ҳайдовчи, сафро ҳайдовчи, спазмолитик, витаминлар, микробларга қарши, томирларни торайтирувчи сифатида ишлатилади.

 

Ангина шишиши қийнаганда:

 

Пиёз қобиғининг устига қайноқ сув қуйиб, илигач филтрланади. Ва томоқни чайиш учун фойдаланилади.

 

Бурун оқишида — аллергик ва шамоллаганда:

 

Қайноқ сувга 4 ош қошиқ тўғралган пиёз пўсти солиниб, 3-5 дақиқа давомида буғида нафас олиш керак.

 

Йўтал тутса…

 

2 ош қошиқ пиёз пўстига  2 стакан сув солиб, 15 дақиқа давомида қайнатилади, сузилади. Кунига 3 марта 1/4 стакан илиқ ҳолда овқатдан 30 дақиқада  олдин ичилади.

 

Буйрак ва пешоб йўллари шамоллаганда:

 

3 чой қошиқ майдаланган пиёз пўстининг устига  2 стакан сув солиб қайнатилади ва 30 дақиқага давомида тиндирилади.

Ўткир циститда  кунига 2 марта 50 мл. дан 3-5 кун давомида, сурункали циститда  10 кун давомида кунига 3-4 марта 2 ош қошиқдан ичилади.

 

 

Чўлпоной Аҳмедова тайёрлади.