Давлат Бобонов ПСЖ клуби билан ЕЧЛ йўлланмасини қўлга киритди
Энди у дзюдо баҳсларида ушбу клуб шарафини ҳимоя қилади.
Дзюдо бўйича Токио-2020 Олимпиадасининг бронза медали совриндори Давлат Бобонов Франциянинг ПСЖ клуби билан шартнома имзолади.
Мазкур иштирок этаётган жамоа Чехияда ўтган Европа Лигасида ғалаба қозониб, Чемпионлар лигасига йўл олди.
Ўз таркибига машҳур дзюдочиларни жамлаган Париж клуби Европа Лигасида чемпионлик шоҳсупасига кўтарилди.
-90 кг вазн тоифасида татамига чиққан Бобонов рақибини вазари баҳоси эвазига мағлубиятга учратди. Шу билан бирга, Чехиянинг Прага шаҳрида ўтган Европа Лигасида Кўҳна қитъанинг 13 та эркаклар, 4 та аёллар клублари иштирок этди. Эркаклар ўртасидаги мусобақа финалида “Пари Сен-Жермен” клуби “Цент-Женевев” жамоасини 4:1 ҳисобида енгди.
ПСЖ билан шартнома имзолаган дзюдо бўйича токио-2020 совриндори Давлат Бобонов яқин вақт ичида клублар ўртасида ўтказиладиган турнирларда ушбу жамоа шарафини ҳимоя қилади.
Эслатиб ўтамиз, аввалроқ олимпия ўйинларида дзюдо баҳслари учун қуръа ташлаш маросими бўлиб ўтгани ҳамда олимпияда ўйинларида Гвинея терма жамоасининг коронавирус сабаб мусобақада иштирок этишдан бош тортгани ҳақида хабар берилганди.
Чўлпоной Аҳмедова
