Коммунал соҳада 150 ҳолатда истеъмолчилар ҳуқуқлари бузилгани аниқланди
Шундан 45 фоиз улуш газ таъминотига тўғри келади.
Ҳозирда Монополияга қарши курашиш қўмитаси табиий монополия субъектлари томонидан ишлаб чиқилган катта ижтимоий аҳамиятга эга бўлган коммунал хизмат кўрсатиш, энергия таъминоти соҳасида оммавий шартномалар ҳақида ўрганиш ишларини бошлаб юборди.
Айни кунга қадар қўмита томонидан табиий монополия субъектларининг 250 дан ортиқ шартномалари ўрганилган.
Статистикага кўра, 150 ҳолат, яъни, 15 фоиз электр энергия таъминоти, 15 фоиз иссиқлик энергияси таъминоти, 15 фоиз сув таъминоти ва 10 фоиз бошқа соҳаларга тўғри келади.
Унга кўра, истеъмолчиларнинг манфаатларига ва монополияга қарши қонунчилик талабларига зид ҳолатлар аниқланган.
Монополияга қарши курашиш қўмитаси фаол истеъмолчиларни муаммоларни аниқлашда тўғридан-тўғри (71) 207 47 00 рақамига ёки info@antimon.gov.uz электрон манзилига мурожаат йўллаш тизимини назоратга олган.
Эслатиб ўтамиз, аввалроқ 1 декабрга қадар коммунал тўловлар учун ягона рақам жорий этилиши ҳамда 2022 йилда электр энергияси ва табиий газ нархи ошиши кутилётгани ҳақида хабар берилганди.
Чўлпоной Аҳмедова
