Энди Бухорода: 13 ёшли оналар сафи “кенгаймоқда”
Мактаб ўқувчиси аммасининг ўғлидан фарзанд кўрди.
Маълум бўлишича, Бухоро вилояти Жондор туманида мактабда таҳсил олувчи 13 ёшли қиз 20 ёшли “аммавачча”сидан фарзандли бўлган.
Жондор тумани халқ таълими бўлими мудири Латофат Жўраеванинг сўзларига кўра, 2008 йилда туғилган Ш.М. Бухоро шаҳрида яшовчи аммаваччаси Р.Т. билан ишқий муносабатда бўлиб юрган.
Бир неча йил илгари ўрта мактабни тугатган Р.т. ишлаш учун Россияга ҳам қатнаб юрган. У қизнинг ёш ва соддалигидан фойдаланган.
Хабарда таъкидланишича, мактабнинг собиқ директори О.Қ. 7-синф ўқувчиси Ш.М.нинг хатти-ҳаракатидан шубҳаланади ва қизнинг ота-онаси мактабга чақиртириб, ҳолатни айтган. Афсуски, ҳатто, ота-онаси ҳам қизининг ҳомиладорлигидан бехабар бўлган.
Ҳомиладор ўқувчи 13 декабрь куни кечқурун Бухоро шаҳридаги Перинатал марказда фарзандли бўлгани ва бола соғлом экани очиқланган.
Ҳозирда Бухоро вилояти ИИБ ҳолат юзасидан Жиноят кодексининг 128-моддаси (16 ёшга тўлмаган шахс билан жинсий алоқа қилиш) 2-қисми билан жиноят иши қўзғатилган.
Эслатиб ўтамиз, аввалроқ Самарқандда 13 ёшли қизалоқ ҳомиладор экани аниқлангани ҳақида хабар берилганди.
Чўлпоной Аҳмедова
