Китоб ёзиш навбати футболчиларга
Одил Аҳмедов ўз фаолиятига бағишлаб китоб ёзди.
Футбол бўйича кўп карра Ўзбекистоннинг энг яхши футболчиси, миллий терма жамоамизнинг собиқ сардори Одил Аҳмедов ўз мухлислари учун китоб ёзди. Бу ҳақда Туризм ва спорт вазирлиги матбуот хизмати хабар қилди.
Маълум қилинишича, 18 декабрь куни Тошкентдаги “City Palace Hotel” меҳмонхонасида ўзбек футболининг ёрқин намоёндаси Одил Аҳмедов ҳаёти ва фаолиятига бағишланган ижодий кечани ташкил этишни режалаштирган. Унда футболчи қаламига мансуб “Орзунинг шонли йўли” номли китобининг тақдимоти бўлиб ўтади.
Китоб тақдимоти телевидение орқали транслация қилинади.
Аввалроқ Одил Аҳмедовга “Арсенал” клубидан таклиф тушганлиги, лекин футболчи “Анжи” жамоасини танлаганлиги ҳақида хабар қилинганди.
Жавоҳирбек Турсунов
