Доллар курси пастга "ташлади"
Бу сафарги тушиш олдингисидан анча сезиларли бўлди.
Бугун, 18 декабрь санасида Марказий банк ўзбек сўмининг АҚШ долларига бўлган қийматини эълон қилди. Деярли тушмай, кўтарилиб келаётган АҚШ валютаси бугунга келиб 10 821,32 сўмни ташкил қилди. Куни кеча бу кўрсатгич 10 840 сўм эди.
Эслатма. Марказий банк эълон қилган валюта курси жисмоний шахсларга амал қилмайди.
Тижорий банклар ҳам Марказий банкнинг эълон қилган суммасига биноан, АҚШ долларини нисбатан арзон сотишни таклиф қилмоқда.
Айни вақтда тижорий банк офисларида 1 АҚШ доллари 10 875 сўмдан сотилмоқда.
Сотиб олиш(майдалаш) эса 10 785 сўмдан бошланади.
Маълумот учун, куни кеча тижорий банклар 1 АҚШ долларини 10 890 сўмдан сотаётган эди. Сотиб олиш эса 10 800 сўм атрофида бўлган.
Аввалроқ тадбиркорлар учун узлуксиз равишда, яъни 24/7 режимда валюта айирбошлаш хизматларини кўрсатишга рухсат берилиши ҳақида хабар берилганди.
Оламгир Абдиев
