Одил Аҳмедов футболни тарк этди
Бу ҳақда у ўз фаолиятига бағишланган китоб тақдимотида маълум қилди.
Бугун, 18 декабрь куни Одил Аҳмедов футболчилик фаолиятини тугатганини расман эълон қилди. Бу ҳақда футболчининг ўзи унинг фаолиятига бағишланган «Одил Аҳмедов: «Орзунинг шонли йўли» китоби тақдимот маросимида маълум қилди.
Маълумот учун, Одил Аҳмедов 2007 йилда Ўзбекистон миллий жамоаси сафида дебют қилган. У миллий жамоа либосида 108 ўйин ўтказиб, 21 та гол уришга муваффақ бўлган. Фаолияти давомида 4 та жаҳон чемпионати саралашида қатнашиб, 3 бор Осиё кубогида иштирок этган. 2020 йил Аҳмедов «Ўзбекистон Республикасида хизмат кўрсатган спортчи» фахрий унвони билан тақдирланган.
Аввалроқ Одил Аҳмедовга “Арсенал” клубидан таклиф тушганлиги, лекин футболчи “Анжи” жамоасини танлаганлиги хабар қилинганди.
Жавоҳирбек Турсунов
