Бу жанг бутун дунё UFC ишқибозларини қизиқтириши турган гап – Чарлз Оливейра
Чарлз Оливейра Конор Макгрегор билан жанг ўтказмоқчи эканлигини маълум қилди.
Енгил вазн тоифасида UFC чемпиони Чарлз Оливейра 2022 йил 7 май куни Рио-де-Жанейрода бўлиб ўтадиган UFC 274 турнирида икки вазн тоифасида собиқ чемпион Конор Макгрегорга қарши жанг ўтказмоқчи.
“Ушбу муддат бундай жанг учун энг яхши вақт деб ўйлайман. Конор шахсан мени дуэлга чорлаб, иккинчи марта Ирландия ва Бразилия ўртасидаги қарама-қаршиликни ташкил қилишни таклиф қилди. Бу нафақат уни балки бутун дунё UFC ишқибозларини ҳам қизиқтириши турган гап. Мен мазкур жангга тайёрман”.
Эслатиб ўтамиз, ҳозирда Макгрегорнинг мусобақада иштирок этиши сўроқ остида қолмоқда. Чунки Конор шу йилнинг 10 июлдан 11 июлга ўтар кечаси Дастин Порьега қарши кечган UFC 264 турнирида оёғидан жароҳат олган эди.
Аввалроқ Конор Макгрегорнинг дўсти АҚШда ҳибсгa олингани ва Дастин Порье танасидаги татуировкаларга изоҳ бергани ҳақида хабар берилганди.
Жамшидбек Амиров
