Криштиану Роналду фаолиятини “Барселона”да давом эттириши мумкин
“Манчестер Юнайтед” ҳужумчиси Криштиану Роналду клубни тарк этиш истагида.
“Sport.es” нашрининг хабарига кўра, португалиялик ҳужумчи жамоадаги вазиятдан ва “Манчестер Юнайтед” раҳбариятидан норози. Роналду ўзининг агенти Жорже Мендешга вазият ўзгармаса, янги жамоа излаш кераклигини айтди. Мендеш “Барселона”нинг ҳозирги раҳбарияти билан яхши муносабатда ва Роналдуни каталонияликларга таклиф қилишга тайёр. “Барселона” бош мураббийи Хави янги ҳужумчи сотиб олмоқчи эканини инобатга олсак, клуб Роналду вариантини кўриб чиқиши мумкин.
Эслатиб ўтамиз, Роналду АПЛнинг жорий мавсумида 16 та ўйин ўтказиб, 8 та гол урди ва 3 та голли узатмани амалга оширди. Айни дамда АПЛ турнир жадвалида “қизил иблислар” еттинчи ўринда бормоқда.
Aввалроқ, футбол юлдузлари янги йилни қандай нишонлагани ва Криштиану Роналду беш кунлик мажбурий карантинни оиласи даврасида ўтказаётгани ҳақида хабар берилганди.
Жамшидбек Амиров
