Новак Жоковичнинг қувончи узоққа чўзилмади
Суддаги ғалабадан сўнг у яна ҳибсга олинди.
Дунёнинг биринчи рақамли теннисчиси Новак Жоковичнинг Австралиядан депортация қилиниши иши бўйича суддаги ғалаба қувончи узоққа чўзилмади. Маълум бўлишича, мамлакат расмийлари сербиялик теннисчини яна ҳибсга олишган. Бу ҳақда korrespondent.net хабар қилди.
Спортчининг укаси Жорже Жокович айни дамда Новак адвокатлар билан бирга эканлигини ва кейинги қадамларини кўриб чиқаётганини айтди.
"Биз ҳозир қила оладиган нарса бу ҳақда барча ижтимоий тармоқларда хабар қилиш. Улар Новакни яна қўлга олди. Ҳозирда биз юристлар билан кейинги қадамлар ҳақида маслаҳатлашмоқдамиз. Айни пайтда Новак ва унинг адвокатлари суд мажлислари ўтаётган хонада", деб ёзди у.
Эслатиб ўтамиз, аввалроқ Австралиянинг Виктория штати расмийлари Жоковичнинг судда ғалаба қозонганига қарамай, уни мамлакатдан депортация қилишни талаб қилишда давом этишларини маълум қилган эди.
Улар ишнинг адолатлилигини тан олишди, аммо расмийлар Новакнинг эмлашдан қонуний равишда тиббий озод этилишига ишонишмайди. Жокович Мелбурнга Австралия очиқ чемпионатида қатнашиш учун учиб келган. Мусобақа 17 январь куни бошланади.
Насиба Тўхтаева
