Навбатдаги дорифурушнинг "миси" ўз яшаш манзилидан чиқди
Мазкур ҳолат юзасидан жиноят иши қўзғатилган.
Тошкент шаҳар ИИББ ходимларининг Чилонзор туманида олиб борилган тезкор тадбирлар давомида 1991 йилда туғилган Ориф исмли шахснинг вақтинчалик яшаш манзили холислар иштирокида кўздан кечирилди. Текширув давомида фуқаро кучли таъсир қилувчи дориларни сотиш мақсадида уйида сақлаб келаётганлиги аниқланди. Жиноят қидирув тезкор ходимлари томонидан ашёвий далили сифатида олинган жами дори воситалари 498 та "Зардекс" 528 дона "Регапен" ташкил қилмоқда.
Мазкур ҳолат юзасидан Чилонзор тумани ички ишлар органлари фаолиятини мувофиқлаштириш бошқармаси тергов бўлими томонидан жиноят иши қўзғатилган.
Муножат Валиева
