Ўйинда олдинга силжишимиз қийин бўлди – Хави
Хави “Барселона”нинг Испания кубогини тарк этганига изоҳ берди.
“Ўйлашимча, “Атлетик” ажойиб ўйин ўтказди. Ўйинда олдинга силжишимиз қийин бўлди. Улар жуда яхши ҳимояланишди. Педрининг голи бизга қўшимча бўлимларда куч берди. Аммо рақибнинг кейинги голи ортиқча бўлди. Жамоамиз билан ҳаракат қилдик, аммо ғалабага эриша олмадик. Биз фақат ушбу лойиҳага ишонишда давом этишимиз мумкин. Биз Ла Лига ва Европа Лигасига ишонишимиз керак. Мен ишлашдан бошқа йўлни билмайман”, — дея “Marca” нашри Хавининг сўзларидан иқтибос келтирди.
Эслатиб ўтамиз, ушбу учрашув Билбаодаги “Сан-Мамес” стадионида бўлиб ўтди ва мезбонларнинг 3:2 ҳисобидаги ғалабаси билан якунланди.
Маълумот ўрнида: аввалги турнирда “Барселона” ғолиб чиққан эди. 2021 йилги финал ўйинида жамоа “Атлетик”ни 4:0 ҳисобида мағлуб этганди. “Барселона” Испания кубогидаги ғалабалар сони бўйича рекордчи ҳисобланади. Жамоа 31 марта кубокни қўлга киритган.
Жамшидбек Амиров
