Пекин-2022: Олимпия ўйинларида саралаш беллашувлари бошланди
Хитойнинг Пекин шаҳрида ХХIV қишки Олимпия ўйинларига старт берилди.
Гарчи мусобақанинг тантанали очилиш маросими эртага бўлиб ўтса ҳам, медаллар учун узоқ саралаш босқичидан иборат дастурларда спортчилар беллашувларни бошлаб юборди.
Айни вақтда кёрлинг баҳслари бўлиб ўтмоқда. Кун давомида хоккей ва могул йўналишларида ҳам саралаш беллашувлари бўлиб ўтади. Чана спорти, тоғ чанғисининг тезкор тушиш йўналиши, трамплиндан сакраш дастурларида эса расмий машғулотлар кун дастуридан ўрин олган.
Эслатиб ўтамиз, кеча тоғ чанғиси баҳслари ўтказиладиган Янсин шаҳрига етиб келган ҳамюртимиз Комилжон Тўхтаев ҳам бугундан машғулотларга киришади.
Аввалроқ, Дания ва Нидерландия ҳам Пекин Олимпиaдасини байкот қилгани ҳақида хабар берилганди.
