Бензема ҳали тўлиқ соғаймади
Мадриднинг “Реал” клуби ҳужумчиси Карим Бензема Испания чемпионатининг 23-туридан ўрин олган “Гранада”га қарши ўйинни ўтказиб юборади.
Бу ҳақда спорт журналисти Нилс Керн ўзининг Тwitter’даги саҳифасида маълум қилди. Француз бир кун аввал умумий гуруҳда қисман машғулот ўтказганига қарамай, жароҳатдан тўлиқ фориғ бўлмаган.
Эслатиб ўтамиз, “Реал Мадрид”нинг Испания чемпионати доирасида “Элче”га қарши учрашувида Бензема жароҳат олиб, 58-дақиқада майдонни тарк этган эди.
Маълумот ўрнида: Мадриднинг “Реал” клуби 22 ўйинда 50 очко тўплаган ҳолда Испания Ла Лигасининг 2021/2022 йилги мавсуми турнир жадвалида биринчи ўринда бормоқда.
Аввалроқ, Бенземани Мадридда олиб қолишмоқчилиги ҳақида хабар берилганди.
