Ярмоленкога 18 февралга қадар муҳлат берилди
Англия футбол ассоциацияси “Вест Ҳем”нинг украиналик ҳужумчиси Андрий Ярмоленкони букмекерлик концернини ноқонуний реклама қилишда айблади.
Бу ҳақда ташкилот расмий сайти хабар берди. Қайд этилишича, футболчи ассоциация қоидаларининг 8.5 бандини бузган ва инглиз футболи вакили сифатида букмекерлар билан ҳамкорлик қила олмаган.
Англия футбол ассоциацияси Ярмоленкога бу айбловларга жавоб бериш учун 18 февралгача муҳлат берди.
Эслатиб ўтамиз, Ярмоленко 2018 йилдан бери “Вест Ҳем”да ўйнаб келмоқда. Футболчининг инглиз клуби билан шартномаси 2022 йилнинг ёзига қадар мўлжалланган. Трансфермаркт портали футболчининг нархини 3,5 миллион еврога баҳоламоқда.
Аввалроқ, собиқ футболчининг 73 ёшли отаси уйлангани ҳақида хабар берилганди.
