Сенегал — Африкада тенгсиз
Садио Мане жамоаси шу тариқа тарихда илк бор Африка кубогини қўлга киритди.
Сенегал терма жамоаси Африка Миллатлар Кубоги финалида Миср терма жамоасини мағлуб этди. Учрашув Яунде шаҳридаги (Камерун) “Паул Бия” стадионида бўлиб ўтди. Асосий ва қўшимча бўлимлар голсиз якунланди, пенальтилар cериясида сенегалликлар 4:2 ҳисобида ғалабани қўлга киритди.
Сенегал 7-дақиқадаёқ ҳисобни очиши мумкин эди. Бироқ Садио Мане пенальтини голга айлантира олмади. “Ливерпул” ҳужумчисининг кучли зарбасини Миср терма жамоаси дарвозабони Муҳаммад Абугабал қайтаришга муваффақ бўлди.
Шу тариқа Сенегал тарихда илк бор Африка кубогини қўлга киритди. Миср термаси эса бунгача етти марта қитъанинг бош турнирида ғолиб чиққан. Бу рекорд натижа ҳисобланади.
Аввалроқ, Африка Кубогининг гуруҳ ўйинларида қандай натижалар қайд этилгани ҳақида хабар берилганди.
