“Челси” хўжайини молиявий йўқотишга учради
Роман Абрамович бир кунда тахминан 778 миллион евро даромадидан айрилди.
“Челси” хўжайини, россиялик миллиардер Роман Абрамович Украинадаги вазият туфайли бир кунда тахминан 778 миллион евро йўқотди.
Бу ҳақда “The Sun” нашри хабар берди.
Манбага кўра, Лондон фонд биржасида “Evraz” пўлат гуруҳи акциялари 29 фоизга арзонлашган. Инвесторлар Россия компанияларига қарши мумкин бўлган санкциялардан қўрқишади.
Абрамович 2003 йилдан бери “Челси”га эгалик қилади. Бу вақт ичида “кўклар” Англиянинг тўрт карра чемпиони бўлишди, икки марта Чемпионлар Лигаси ва Европа Лигасида ғалаба қозонишди, UEFА Суперкубогини, беш марта Англия кубогини қўлга киритишди. Икки марта Англия Суперкубоги соҳибига айланди.
Аввалроқ, Абрамович Азарни Лондонга қайтармоқчи эканлиги ва “Барселона” трансферлар учун маблағ излаётгани ҳақида хабар берилганди.
Жамшидбек Амиров
