"Биз рақиб жамоанинг узатмаларига дош беролмадик"
Пеп Гвардиола "Тоттенҳем" ҳақида гапирди.
"Манчестер Сити" бош мураббийи Пеп Гвардиола АПЛ 26-туридан ўрин олган "Тоттенҳем" билан ўйиндан сўнг ўз фикрларини билдирди.
"Яхши ўйин бўлди. Турли йўналишлардан, айниқса, чап қанотдан ҳужум қилдик. Қийин бўлди, чунки рақиб жуда зич ҳимояланишди.
"Тоттенҳем"да маҳоратли футболчилар бор. Улар тўпни Ҳарри Кейнга етказиб беришади ва у ҳужумда жуда яхши. Биринчи бўлимда улар гол уришди ва бошқа имконият яратишмади. Иккинчисида ҳам ҳужумга ўтишлари билан Кейн гол урди. Гол уришга ҳаракат қилдик, лекин қўшиб берилган вақтда тўп ўтказиб юбордик. Улар жуда чуқур ҳимояланишганда ўйнаш жуда қийин. Бизда гол уриш учун имкониятлар бўлди, аммо, афсуски, муваффақиятга эриша олмадик. Биз рақиб жамоанинг узатмаларига дош беролмадик" — деди Гвардиола.
Эслатиб ўтамиз, "Манчестер Сити" - "Тоттенҳем" ўйинида лондонликлар 2:3 ҳисобида ғалаба қозонди.
