Қоракўлда раҳбар пора билан қўлга тушди
У тадбиркорларнинг ҳуқуқини ҳимоя қилиш ўрнига шахсий манфаатларни устун қўйган.
Қоракўл тумани истеъмолчилар ҳуқуқларини ҳимоя қилиш жамияти раиси тадбиркорнинг 700 АҚШ долларини қўлга киритганлиги аниқланди.
Бош прокуратура ҳузуридаги Департаментнинг Қоровулбозор туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилди.
Қоракўл тумани истеъмолчилар ҳуқуқларини ҳимоя қилиш жамияти раиси вазифасини бажарувчи И.К. фуқаро М.Р.нинг “Ф.М.” МЧЖ томонидан қурилаётган уй учун амалга оширган тўловини қайтариб олишда ёрдам беришни сўраб ёзган мурожаатини кўриб чиқишда, МЧЖ раҳбари И.нинг ишончига кириб, аризачи М.Р.га етказиб бериш важи билан унинг 700 АҚШ долларини олиб, ўз эҳтиёжларига сарфлаб юборганлиги аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, аввалроқ навбатдаги порахўр раҳбарлар Когондан ушлангани ҳамда Жиззахда ДСИ катта инспектори пора билан ушлангани ҳақида хабар берилганди.
