Украина фақат тинчликни хоҳлайди — Шевченко
Собиқ футболчи уруш ҳақида гапирди.
Собиқ футболчи уруш ҳақида гапирди. Украина миллий жамоасининг мураббийи Андрей Шевченко мамлакатдаги вазиятга муносабат билдирди.
"Менинг халқим ва оилам ҳужум остида. Украина ва унинг халқи тинчлик ва ҳудудий яхлитликни истайди.
Илтимос, мамлакатимизни қўллаб-қувватлашингизни ва Россия ҳукуматини агрессияни тўхтатишга чақиришингизни сўрайман. Биз фақат тинчликни хоҳлаймиз. Уруш бу ечим эмас", — деди Шевченко.
Маълумот учун: 24 февраль куни эрталаб Владимир Путин Донбассда махсус ҳарбий операция бошланганини маълум қилди. Кўп ўтмай, Украина Россия билан дипломатик муносабатларни узганини эълон қилди. Оқибатда, Украинада ҳарбий ҳолат эълон қилиниб, уруш давом этмоқда.
Эслатиб ўтамиз, аввалроқ, россиялик юлдузлар Украина билан урушга қарши чиқишгани ҳақида хабар берилганди.
