Даниил Медведев урушга қарши чиқди
Россиялик теннисчи Instagram’даги профилидан Россия байроғини олиб ташлади.
“US Open-2021” турнири ғолиби, дунёнинг биринчи рақамли ракеткачиси россиялик Даниил Медведев Instagram ижтимоий тармоғидаги саҳифасидаги профиль тавсифидан Россия байроғи тасвирини олиб ташлади. Қуйидаги скриншотлардан кўриниб турибдики, аввалроқ Медведев профилининг тавсифида Россия байроғи бўлган, ҳозир эса у йўқ.
Эслатиб ўтамиз, 28 февраль, душанба куни Даниил Медведев ўз фаолиятида илк бор АТП рейтингида биринчи ўринни эгаллаганди. “Катта Дубулға” туркумига кирувчи турнирларнинг 20 карра чемпиони Новак Жоковични ортда қолдирган эди.
Маълумот ўрнида: январь ойида Медведев Австралия очиқ чемпионатининг финалида испаниялик Рафаэл Надалга ютқазиб қўйганди.
Аввалроқ, россиялик теннисчи дунёнинг биринчи рақамли теннисчисига айлангани ҳақида хабар берилганди.
Жамшидбек Амиров
