Навоийда "янги блогер" чиқди
У кўпдан бери "каттакон"ларнинг устидан ёзиб, эвазига пул талаб қилиб келган.
Жорий йилнинг 9 март куни Н.Н. фуқаро Дилдора Боймуродовадан шикоят қилиб, Навоий вилояти ИИБ бошлиғига ариза ёзади. Унда анчадан бери ўзини блогер деб биладиган Дилдора Боймуродова уни хизмат фаолиятига оид маълумотларини интернет орқали тарқатиб юбориши билан таҳдид қилгани баён этган. Шунингдек, маълумотни очиқламаслик учун 1 500 АҚШ доллари миқдорида пул талаб қилгани айтилган.
Вилоят ИИБ ходимлари томонидан олиб борилган тезкор тадбир натижасида, кеча, 9 март куни соат 23:40 лар атрофида "блогер аёл" фуқаро Н.Н.дан товламачилик йўли билан талаб қилган пулларни олаётганда қўлга олинган.
Ҳолат юзасидан Д.Боймуродовага нисбатан Жиноят Кодексининг 165-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
