Ўзбекистон Россия учун фақатгина ишончли ҳамкор эмас — Максим Решетников
РФ иқтисодий тараққиёт вазири Тошкент ва Москвани азалий дўстлик алоқалари боғлаб туришини таъкидлади.
15 март куни Ўзбекистоннинг Москвадаги элчихонасида Ўзбекистон — Россия ишбилармонлар кенгашининг кенгайтирилган йиғилиши бўлиб ўтди.
Бу ҳақда “Дунё” АА хабар берди.
Учрашувда Ўзбекистоннинг Россиядаги элчиси Ботиржон Асадов, россия савдо-саноат палатаси раиси Сергей Катирин ва РФ иқтисодий тараққиёт вазири Максим Решетников, иштирок этган.
Ботиржон Асадов ўсиб бораётган икки томонлама савдо айланмасида қўшимча қийматли товарлар етказиб бериш кўпайган. Бундан ташқари, Ўзбекистон — Россия ҳукуматлараро комиссияси ва Ишбилармонлар кенгаши фаолиятига юқори баҳо берилган.
Ўз навбатида Россия иқтисодий тараққиёт вазири тадбирдаги чиқишида Ўзбекистон Россия учун ишончли иқтисодий ҳамкор эканини таъкидлаган. Решетниковнинг сўзларига кўра, “Бизни узоқ йиллирдан буён шаклланган дўстлик алоқалари ва ўзаро ҳурмат боғлаб туради – бу доимо бизнинг ҳамкорлигимизни мустаҳкамлаган”.
Учрашув давомида Россия ва Ўзбекистон ўртасидаги савдо-иқтисодий ва инвестицион алоқаларни кенгайтириш масаласи муҳокама қилинган.
Эслатиб ўтамиз, аввалроқ Тошкентда сайёҳлик форуми бўлиб ўтгани тўғрисида хабар берилганди.
