Рожер Федерер украиналик болаларга ёрдам кўрсатади
Швейцариялик теннисчи украиналик болаларнинг ўқиши учун 500 минг AҚШ доллар хайрия қилади.
“Катта дубулға”нинг 20 карра чемпиони, швейцариялик теннисчи Рожер Федерер украиналик болаларга ёрдам беришга тайёрлигини маълум қилди.
Спортчининг сўзларига кўра, хайрия жамғармаси 500 000 АҚШ доллар миқдоридаги пулларни украиналик болаларнинг ўқишни давом эттириш имконини берадиган ташкилотга хайрия қилади.
Маълумот ўрнида: Рожер Федерер фаолияти мобайнида энг кўп даромад ишлаб топган теннисчилар рўйхатида иккинчи ўринда туради. 40 ёшли теннисчи мусобақаларда жами 130 млн. 594 минг АҚШ долларига эга бўлган.
Аввалроқ, россиялик спортчи дунёнинг биринчи рақамли теннисчисига айлангани ва теннисчилар рейтингининг янги рўйхати эълон қилингани ҳақида хабар берилганди.
Жамшидбек Амиров
