Таниқли спортчиларнинг шоҳона уйи
Уларнинг тураржойлари бир неча миллион долларни ташкил этади.
Дунёга машҳур спортчилар юқори маош олгани боис ҳам ўзларининг шахсий бизнес ва мол-мулкларга эга. Биз бугун спортчиларнинг шохона уйлари ҳақида тўхталиб ўтмоқчимиз.
Тигер Вудс, гольфчи
Спортчининг уйи АҚШнинг Флорида штатида жойлашган. Унинг нархи тахминан 60 миллион долларга баҳоланган. Вудснинг уйи энг қиммат уйлардан бири ҳисобланади. Кошона кўп хонали бўлиб, иккита сузиш ҳавзаси, шахсий пляж, яхталар учун иккита марина ва Тигернинг шахсий гольф майдонидан иборат.
Леброн Жеймс, баскетболчи
НБА юлдузи Леброн Жеймснинг уйи АҚШнинг Калифорния штатидаги Брентвуд шаҳрида жойлашган. Баскетболчи бу уйни 20 миллион долларга сотиб олган.
Криштиану Роналду, футболчи
Португалиялик футбол юлдузининг Мадриддаги уйи ўзгача услубда қурилган. Бу уйни Роналду 7,1 миллион долларга сотиб олган. Кошонада футболчи учун барча шароитлар яратилган: иккита спорт зали ва сузиш ҳавзасидан тортиб, футбол машғулотлари учун мини-майдончагача бор. Шунингдек, уйнинг ҳар бурчагида "CR" бош ҳарфларини учратишингиз мумкин. Бу тураржой кимга тегишли эканини билдиради.
Жордан Спит, гольфчи
Жордан Спит дунёнинг энг бой 10 нафар спортчисидан биридир. Жордан 2016 йилда 52,8 миллион доллар ишлаб топади ҳамда АҚШнинг Даллас штатидан ҳашаматли уй сотиб олади. Уйнинг асосий диққатга сазовор жойи мозаик ойнадан ясалган ҳовуз ҳисобланади.
Рожер Федерер, теннисчи
Дунёнинг энг кучли теннисчиларидан бири швейцариялик Рожер Федерер «афсонавий» уйга эга. Уни Волеро шаҳридаги қароргоҳининг номи "Тhe Residens" деб аталади. Федерернинг кошонаси кўплаб шиша деворлари ва Тсюрих кўлининг ажойиб манзарасини аск эттирган.
Лионел Месси, футболчи
Ҳозирча футболчининг уйи фақат чизмалар ва лойиҳаларда мавжуд. Лионел Мессининг Барселонадаги бўлажак уйи футбол тўпи шаклида ва у экологик тоза материаллардан қурилади.
Девид Бекхем, футболчи
Англиялик собиқ футболчи рафиқаси Виктория билан бирга Лондон марказидан 4 қаватли уй сотиб олган. Харид эр-хотинга тахминан 40 миллион долларга тушган. Бироқ Бекхем XIX аср охирида қурилган бинода баъзи реконструкция ишларини олиб бориш орқали мулк қийматини янада оширишни режалаштирмоқда. У ерда учиш-қўниш йўлаги, салон ва бинодан ҳашаматли ҳовли боғига олиб борувчи махфий туннелнинг қўшилиши "Янги Букингем" саройининг нархини тахминан 47 миллион долларга оширди.
Флойд Мейвезер, боксчи
Флойд Мейвезер бутун дунё бўйлаб бир нечта уй ва квартираларга эга. Аммо унинг севимли уйи Лас-Вегасда жойлашган. Айнан ўша жойда боксчининг "спорт автомобилларининг" катта тўплами бор. Бу ерда Флойд бокс кечалари уюштиради ва таниқли спортчиларни қабул қилади.
Конор Макгрегор, аралаш яккакурашчи
Мейвезернинг Вегасдаги уйи яқинида Конорнинг ҳам уйи жойлашган. У ерда спортчининг ҳашаматли бассейн, курорт, улкан спорт зали ва гаражи мавжуд. Уйнинг деразасидан Вегасдаги ажойиб манзараларни томоша қилиш мумкин.
Муаллиф: Жамшидбек АМИРОВ
