Мен энди заxирада ўтиришни хоҳламайман — Элдор Шомуродов
“Рома” ҳужумчиси Элдор Шомуродов жамоадаги ўйинидан норози.
“Рома”даги ўйинимдан норозиман. Мен кўпроқ ўйнашни хоҳлайман. Клуб билан амалдаги шартномам бор. Тез-тез майдонга тушсам, жамоада қоламан. Мен энди заxирада ўтиришни хоҳламайман. Моуриньо билан муносабатим яхши”, — дея Шомуродовнинг сўзларидан иқтибос келтириб, “RomaPress.net” нашри хабар берди.
Эслатиб ўтамиз, 26 ёшли ҳужумчи жорий мавсумда “Рома” сафида барча турнирлар доирасида 30 та ўйинда майдонга тушиб, 4 та гол урди ва 5 та голли узатмани амалга оширди. А Cерияда Элдор 21 та ўйин ўтказди. Шомуродов ҳар бир ўйинда ўртача 29 дақиқа ўйнамоқда.
Аввалроқ, Абрамович “Челси”ни кимга сотмоқчи эканлиги ҳақида хабар берилганди.
Жамшидбек Амиров
