Миллий жамоамиз ўйинига чипталар нархи арзонлаштирилди
Шу кунларда Наманганда “Navruz Cup-2022” халқаро турнири ўтказилмоқда.
Наманганда ўтказилаётган “Navruz Cup-2022” халқаро мусобақасининг 29 март куни бўлиб ўтадиган финал ва яримфинал ўйинлари учун чипталар нархи арзонлаштирилди.
“Навбаҳор” клуби расмий сайти хабарига кўра, мухлисларга қулайлик яратиш мақсадида чипталар нархи барча секторларга бир хил – 20 минг сўм этиб белгиланган.
“Асосийси битта чипта харид қилиб, 29 март кунги иккита ўйин, яъни, Тожикистон – Қирғизистон ҳамда Ўзбекистон – Уганда миллий жамоалари ўртасидаги учрашувларни бевосита стадионда томоша қилиш имкониятига эга бўласиз. Шунингдек, стадионга ташриф буюрган мухлислар миллий жамоамиз футболчилари дастхатлари туширилган футболкаларни қўлга киритиш имкониятига ҳам эга бўлишади”, - дейилади клуб хабарида.
Аввалроқ, Элдор Шомуродовнинг нархи кескин кўтарилгани ҳақида хабар берилганди.
Жамшидбек Амиров
