FIFА рейтинги янгиланди

Ўзбекистон икки поғона юқорилади.

FIFАнинг янгиланган рейтингида Бразилия Бельгияни қувиб ўтиб, пешқадамга айланди. FIFА расмий сайти миллий жамоаларнинг март ойидаги янгиланган рейтингини эълон қилди.

Унга кўра, “KONMEBOL” саралашининг энг сўнгги беллашувларида ишончли ғалабаларни қўлга киритган Бразилия миллий жамоаси умумий рўйхат пешқадамига айланиб олди. Иккинчи ўринда Бельгия жойлашган бўлса, Франция кучли учликка якун ясаб берган.

Осиё футбол конфедерацияси жамоалари орасида Эрон пешқадамлик қилмоқда — 21-ўрин. Ундан кейинги ўринларда Япония (23-ўрин) ва Жанубий Корея жой олган (29-ўрин).

Ўзбекистон миллий жамоаси “Navruz Cup”даги ғалабалари эвазига икки поғона юқорилаб, умумий рўйхатнинг 83-ўрнига жойлашди. “Оқ бўрилар” ОFК жамоалари ўртасида 11-ўринда бормоқда.

FIFА рейтинги:

1. Бразилия

2. Бельгия

3. Франция

4. Аргентина

5. Англия

6. Италия

7. Испания

8. Португалия

9. Мексика

10. Нидерландия

83. Ўзбекистон.