Португаллар ҳаласкорининг шартномаси узайтирилади
“Манчестер Юнайтед” ва Бруно Фернандеш шартномани узайтириш борасида келишувга эришди.
“Манчестер Юнайтед” португалиялик ярим ҳимоячи Бруну Фернандеш билан шартномани узайтириш бўйича келишувга эришди. Бу ҳақда спорт журналисти Фабрицио Романо ўзининг twitter саҳифасида маълум қилди.
Олдинроқ, янги шартномага кўра, ярим ҳимоячининг маоши йилига 14-15 миллион еврони ташкил қилиши маълум бўлганди. Битим яқин кунларда имзоланади.
Фернандеш 2020 йилдан бери “Манчестер Юнайтед”да ўйнаб келмоқда, у “Cпортинг”дан 63 миллион евро эвазига ўтган эди. Ўйинчининг клуб билан амалдаги шартномаси 2025 йилнинг ёзида якунига этади. Трансфермаркт интернет порталига кўра, футболчининг нархи 90 миллион еврони ташкил этмоқда.
Маълумот ўрнида: Бруно Фернандеш жорий мавсум чемпионатда 27 та ўйинда майдонга тушиб, 9 та гол урди ва 6 та голли узатмани амалга оширди.
Аввалроқ, Гореска “Бавария” билан шартномасини узайтиргани ҳақида хабар берилганди.
Жамшидбек Амиров
